Stikelstekker

Hjoed mar gjin drege teksten. Der is oars genôch om oer te skriuwen, dêr net fan. Mar in noflik deuntsje oer de kâlde oarloch, krekt wat op sa'n deprimearjende dei. Ha jim der ek sa'n lêst fan hân? Poeh, net bêst.

It is hast safier. Oankommende moandei stiet te boek as de meast deprimearjende dei fan it jier. Foarnimmens wurde net helle, rekkens op de matte en sa mear. Tiid foar in eintsje tou en in wankel krukje. Mar is dat wol sa? Dizze wike die út in APK bliken dat it mei myn motor prima giet. Myn foarnimmen om minder nei nijs te sykjen en my der yn elts gefal sa min mooglik oan te ergerjen stiet noch rjocht oerein. Yn in mail dy't ik trochspile krige stie de folsin: 'Het leven is een lolletje.' Dat liket maklik, mar as it sein wurdt troch in pasjint dy't mei de sykte K. te meitsjen hat, is de lading wol wat oars. Minder stres, mear laitsje, en ja, de saken sa faak as it kin mei de gek beslaan. Iroanysk, soms mei in bytsje sarkasme, mar yn elts gefal sa dat it je net tusken de earen sitten giet. Dat soenen mear minsken dwaan moatte, de wrâld hat driuwend ferlet fan humor. Fansels, ik wit it wol, guon saken sille net mei humor en slap ouwehoeren oplost wurde, mar as we no ri...

Tryst ferhaal, dit. Mei alle goede bedoelings, mar soms rint it oars. Wêr ha ik it oer? Myn wytweiten hoanne. Ik bin fan doel om dizze maitiid wer in team piken út te brieden, dat dan moatte jo maatregels nimme. Earst ljocht yn it hok, en dan komme de aaien fansels. Ik ha it bêste mei myn hoanne foar, dat de moaiste hintsjes byelkoar set en dêr mocht menear mei rêde. Earebaan. No ha wy trije hokken, twa mei wytweiten en ien mei gielwytweiten hinnen. Skieden troch gaas. Neat mis mei, mar de beide hearen wienen al gjin freonen, dat it is echt in flater fan de baas. It wytweiten hearskap bedarre yn it middelste hok. Fout. In pear oeren letter hong er yn it gaas, mei de poat omheech. Fansels oan it knokken west mei buorman. Mar hy hat sokke lange spoaren dat er klem kaam te sitten, yn ûnmacht. Mei it smoar yn, want syn hiele seksappeal nei de bliksem. De dames tippelen wat by him lâns, mar ja. Ik ha him losmakke, en no rint er sa mank as it mar kin, de sukkel. Hy trêdet net, sit as in ...

Samar in stille woansdei. Niis wat administraasje dien, mei hearlike live-muzyk fan Pearl Jam en The Foo Fighters op de eftergrûn. De winstpartij fan de Vancouver Canucks op The Tampa Bay Lightning besjoen. In dei as alle oaren. Doe kaam dochs myn honger nei nijs wer om de hoeke. Ien fan de goede foarnimmens foar 2012 wie en is om minder nei nijs te sykjen. Omdat je der dochs neat oan dwaan kinne, en it yn de regel soarget foar ergernis. Net goed, foarkomme, dus. In tal foarbylden: Der komt gjin ûndersyk nei mooglike misstannen by swimbad De Welle. Al dy ynstjoerde stikken yn de krante wurde ûnder it kleed fage, mei as útlis: Wethâlder Ketelaar liet witte net op yndividuele gefallen yn te gean en fynt dat it selsstannige swimbad problemen sels oplosse moat.(OF) Tink derfan wat jo tinke wolle, soe ik sizze. Noch ien: Minister Edith Schippers sil har net ynspanne foar it behâld fan sikehûs De Sionsberg yn Dokkum. Dat antwurdet de minister fan folkssûnens op fragen fan de SP-fraks...

Goed wykein. Wat der noch fan oer is, teminsten.

Twa dingen: 1: De SC Hearrenfean wol in trener sûnder ego en persoanlikheid, dy't yn it plaatsje fan de klup past. De opstelling is al klear, 4.3.3, oars kin er wol opsokkebalje. Dus is er gjin trener, mar in marionet fan 'it technyske blok' dat der al sit. Mannen lykas Verbeek falle op foarhân dus al ôf. Foar de tsjinstanner is it tige maklik, jo hoege net iens immen nei it fiere Feen te stjoeren, de SC spilet altyd gelyk. Dat moat fan de mannen dy't der ferstân fan ha. 2: Stel ik wie trener en se soenen my benaderje mei dit 'beliedsplan'?  Ik soe se yn it gesicht útlaitsje. Mar der sil grif immen wêze dy't sa glei is op it baantsje, dat er him hjirfoar brûke lit.  Dochs noch in 3: It is net te leauwen. Soe Foppe it hjir mei iens wêze? Dat kin hast net. In trener moat sa no en dan stronteigenwiis wêze kinne en meie. Ik hoopje teminsten net dat it sa foarbakt is dat er noch ynfloed op it earste âlvetal ha wol, want dan kin er der sels better foar stean...

De trener fan SC Hearrenfean ferlit oan de ein fan it jier de klup. Myn foarsizzing is dat as It Feen trije kear efter elkoar it skip yn giet, it fertrek wolris wat earder komme kin. Mar dat is net oars. No begjint fansels it grutte spekulearjen oer wa't Jans syn opfolger wurde sil en moat. Der kaam net in wurd út de foarsitter oer wa't se op harren list stean ha, mar dat is yn de wrâld fan it fuotbaljen frijwat normaal. Lige, bedoel ik. Of net sizze wat je wol witte, dat is wat foarsichtiger sein. Der wie in tiid dat It Feen pas wat nei bûten brocht as alles al klear wie, mar dat is alwer efkes lyn. Doe hie eltse sjoernalist in grouwelige hekel oan Riemer en syn maten, want dy seinen nea wat. Alearen, net mear oan tinke. Fansels is der neitocht oer hoe no fierder. En in list mei treners kin elts meitsje. Mar se moatte passe. De dreamde opfolger fan Jans hat sa goed as tekene yn Twente, dus MC Claren kinne we skrasse. Jammer. Wat is der dan yn Nederlân noch oer? Adriaanse w...