Stikelstekker

Dramatyske dei hjir juster, minsken. Ien: fet yn de klean fan junior ien. Kin barre. Wat is de stratezjy? Daliks yn in amer mei wetter. En dan mar hoopje dat it plak der wer út giet. Trelit, mar oer te kommen. As it dêr by bleaun wie, hie ik gjin klachten. Maaaarrrr... Twa. Dy amer wetter mei dêryn in stik klean stie yn de baaikeamer. Soks is in goed plak foar in amer wetter mei dêryn in kleanstik, tocht ik dan wer. Fout. Freegje my net hoe as wat, mar junior twa slagge deryn om har Samsung sa te manipulearjen dat er mei in boogje yn dy amer wetter telâne kaam. Net op de hurde tegels, nee, kreas yn dy amer wetter mei dêryn in kleanstik. Algemiene panyk bruts út. De fohn der by. Doe moast heit mar sjen oft er it stikje Koreaanske berne-arbeid wer oan de praat krije koe. Slagge net. Ik moast de PUK-koade yntikje. Nei seis kear seach ik in drip wetter ûnder de SIM-kaart wei kommen. Tsja, dat doe wie it wol helder dat er noch net droech wie. De foarútsjoggen wienen striemin. Twitte...

Juster wie der njonken de film yn Tresoar noch wol wat te rêden op kultureel mêd. Omdat de parse fansels net oeral tegelyk wêze kin, in koarte ympresje. Yn Drachten wienen Sietse de Vries en Durk van der Ploeg, yn Langwar mocht ik tegearre mei Jaap Louwes in optreden dwaan. Net in literêre jûn, dy namme wol ik graach fan ôf. In Fryske jûn mei muzyk en ferhalen. Neat gjin literêrs oan. Gewoan in noflike jûn, wêryn't je nochris wat oars hearre en sjogge as BNers dy't se fan in dûkplanke triuwe. Moandei siet ik yn de byb fan It Feen, juster wie der al wat minder flecht op de koai, mar de meiwurkster sei dat Skarsterlân minder kultureel ûnderlein is as it folk yn It Friese Haagje. As ik yn Skarsterlân wenne, soe ik dat net op my sitte litte, mar lokkich kin elts dy't dat wol moarn noch nei de Lemmer komme, want dêr binne Jaap en ik dan ek wer. As ik de minsken leauwe mei, wie it in moaie jûn. Ik sil net ferklappe wat der sein en spile is, want De Lemmer moat fansels útrin...

Nei in jier mei Springsteen as topper hat de organisaasje fan Pinkpop lokkich wer in echte rockband as útsmiter oanlutsen. No't de Foo Fighters efkes net spylje, komme jo dan al gau út by Green Day. Kompliminten foar dizze kar. It dak giet der grif ôf yn juny.

As ik in papparazzi sjoernalist wêze soe, wie it oanloklik om boppe dit stikje in tendensjeuze kop te setten, mar dat doch ik net. Ik behein my ta wat juster sein is. In moaie jûn juster yn de byb fan It Feen. As ik goed sjoen ha, in lytse 80 man/frou yn de seal. In jûn oer kriminaliteit. Omropper Auke Zeldenrust, skriuwer Sietse de Vries en plysjewurdfierder Ferdinand Nauta fersoargen it program, Jaap Louwes hie de muzyk yn behear. Zeldenrust en Nauta besprutsen in oantal slimme saken, en hoe't dêryn de sjoernalist en de plysjeman meielkoar of tsjin elkoar wurkje, de spannings dy't har wolris oppenearje op dat mêd. De iene wol nijs, de oare de saak oplosse. Dat smyt fansels wolris swierrichheden op. Wat kinne je wol sizze, wat better net. Tige nijsgjirrich. De saak Nij Beets kaam ek oan de oarder. De frou dy't fjouwer poppen yn koffers op souder bewarre. Nauta die ferslach fan hoe't dy saak oan it rôljen kaam. Dat gie sa: Ut de neiste omjouwing fan Sietske H. k...

Goeie. Ik ha niis de krante lêzen. En dêr stienen in oantal útspraken yn dy't ik dochs efkes mei jim diele wol, omdat miskien net eltsenien de LC of de Voetbal International lêst. Dat lêste blêd hie in petearke mei Geert Arend Roorda, de lêste Fries yn it earste fan It Feen. Lees en huiver oer hoe't de hjoeddeistige lieding fan wat ea in folksklup wie, mei ien fan syn grutste talinten omgiet.  ,,In de zomer vroeg ik een seizoenkaart aan. Bij mijn afscheid zeiden ze dat ik altijd welkom zou zijn, dus dat leek me geen probleem. Werd ik gebeld: ’Je mag een kaart hebben, maar dan moet je wel 270 euro betalen. En je mag niet meer in het spelershome komen’.’’ Geert-Arend Roorda (nu NEC) over SC Heerenveen. In VI. ,,Ik kampte nog met de naweeën van een voetbreuk. Zodra ik fit was, zouden we gaan praten. Dat is niet gebeurd. In het voorjaar had ik nog niets gehoord. Uiteindelijk werd mijn contract formeel opgezegd, met de opmerking dat de de...

Drokke wike op kommende wei. Neist alle gewoane wurk, dat ek trochgiet, in oantal saken om nei út te sjen.  Yn it ramt fan de Moanne fan it Fryske boek twa kear op de planken, tegearre mei Jaap. Nocht oan. En sneon fansels nei Drachten, om efter de boekekream te stean. Dat is meastal tige gesellich. Alle útjouwers njonken elkoar op it Frânske pleintje. Moai waar graach. Snein nei Warkum, om op de ôfsluting fan de moanne wat te fertellen oer De Lêste Trúk. Dan sil ek bliken dwaan wa't de twichtstriid wûn hat, en wa't de winner fan de filmwedstriid is. Dêrnei fal ik yn it swarte gat. Sjen hoe't we dêr mei omgean sille. Ik hoopje op in betide nachtfroast, dan falle de blêden moai rap fan de beammen. En wat soe ik dan moatte? Ach, der komt grif wol wat. In wike kampearje of sa.