Sonic Highways

-

En einliks, dêr wie er dan!

It nije album fan de Foo Fighters is ien om net samar te ferjitten. It hat in jier as wat duorre, mar de opfolger fan Wasting Light is in dei as wat lyn offisjeel út kaam. Dave Grohl en syn maten hienen der in komplete wike Dave Letterman (de Amerikaanske Jeroen Pauw) by betocht en dy wie net te beroerd om de grutste band fan dit stuit te gerieven. Sa koenen de fans harren hert ophelje. Foar de redaksje fan Stikelstekker wie it optreden mei Ann en Nancy Wilson fan Heart fansels it hichtepunt. Ann Wilson liket mei de jierren allinnich mar mear rock yn har stim te krijen en op suske Nancy hat de tiid net folle fet sa te sjen.

De kommintaren ûnder it nije album op Youtube moatte jo fansels net lêze, want jittikmige is prachtich moai wurk, mar o sa maklik. Nee, sels harkje nei it album en dan sille jo der efter komme dat it net in logysk ferfolch op Wasting Light is. De mannen ha de hiele USA troch west om yn alle útbuorren ien nûmer op te nimmen. Dat hat fansels ek in marketing eftergrûn, de searje Sonic Highways is dêrtroch ûntstien. In muzikale reis troch de Feriene Steaten, tige de muoite wurdich. Te sjen op HBO en Canvas.

It album iepent mei Something From Nothing. Dat nûmer giet stadich nei in typysk Foo ein, mei in soad enerzjy en pas de lêste minút knalt it ta de speakers út, moai as iepener. Dêrnei in stamper The Feast and the Famine. It feest en de hongersneed. Nee, by Dave Grohl is lang net alles is Rock 'n Roll, der sit folle mear efter syn teksten. Sels mar ris wat opsykje, soe ik sizze.

De measte nûmers moatte je in kear as wat hearre. Mar dan is it wer in echt Foo album. En ja, de grutte bands dogge op elts album wat oars. Healwei komt it lekkere Outside, mar echt genietsje is de ein fan it album. Twa op it earste gehoar ûnFoo nûmers om it samar ris te sizzen. Mar wat in flater meitsje je dan. Subterranean is opslach ien fan myn favorite Foo Fighters nûmers wurden en mei it lêste nûmer I am a River hat Grohl in klassiker skreaun dy't yn de mega stadion konserten it hiele fjild yn beweging krije sil. Lit dat mar oan de rasentertainer Dave Grohl oer. It nûmer is op it album aardich rêstich mar wurdt live grif omtovere ta in knaller, miskien as lêste song foar de tagift, skat ik.

Al mei al wie it it wachtsjen mear as wurdich. Sonic Highways fan The Foo Fighters. Oanrieder.

Yn it filmke: Heart en de Foo Fighters



Reacties

Een reactie posten

Populaire posts van deze blog

Friese media voeren koerswijziging door

-
Afbeelding
  Friese media voeren koerswijziging door   LEEUWARDEN – Het Friese medialandschap gaat op de schop. In een gezamenlijke verklaring brachten de hoofdredacteuren Maarten Pennewaard van de Leeuwarder Courant en Igrid Spijkers van Omrop Fryslân de plannen naar buiten. Belangrijkste wijziging is dat er meer naar nieuws van buiten de stad Leeuwarden zal worden gekeken. Reden is volgens de hoofdredacteuren de sterk afnemende belangstelling voor de twee grootste Friese mediabedrijven. ‘De urgentie om relevant te blijven is daarbij leidend,’ aldus Spijkers. ‘We blijven onszelf continu evalueren en uit de verzamelde data blijkt dat er ook zaken buiten de stad plaatsvinden die door ons opgepikt moeten worden. Dit was voor ons toch wel een eye-opener,’ bekent Pennewaard. De Leeuwarder Courant en Omrop Fryslân gaven studenten van de Rijksuniversiteit Groningen opdracht om de sterk teruglopende aantallen hits op nieuws van zowel de krant als Omrop te onderzoeken. De conclusies liegen er niet
Meer lezen

Artificial Intelligence brûke as moreel kompas

-
Afbeelding
Justerjûn yn Thialf frege immen my oft ik noch drok oan it skriuwen bin. Ik skodholle en moast tinke oan wat ik dêr oer skreaun ha. Dus eins skriuw ik soms noch wol wat.   De lêste tiid bekrûpt my mear en mear it gefoel dat wy live tsjûge binne fan it begjin fan de omkearde evolúsje. It sil net lang mear duorje, dan binne wy foar in part ôfhinklik fan A.I. omdat it minskdom sels net mear neitinke kin en eins ek net mear de lust hat om dat te dwaan. Reklame op TV ropt: ‘originality is overrated’. Dus orizjinaliteit wurdt oerskatten. Kopiearje is better, sa sizze de hippe marketeers fan Etoro . Mei oare wurden, tinkers, filosofen, frijbûtsers, keunstners en skriuwers dy’t sels mei oplossings komme binne net mear nedich. Nimmen giet der tsjinyn, nimmen klaget ditsoarte bedriuwen oan, alles wurdt mar gewoanwei foar wierheid oannaam. Gjin wûnder dat A.I. net folle tiid nedich ha sil om de toutsjes yn hannen te nimmen. O, A.I. stiet foar Artificial Intelligence, of wol keunstmjittige yntel
Meer lezen

Russen

-
Afbeelding
  Dizze wike wie it twa jier lyn dat de oarloch tusken de twa tige oan elkoar besibbe buorfolken Ruslân en Oekraïne begûn. In oarloch dêr’t je fan alles fan fine kinne en ien dy’t spitich genôch noch wolris jierren duorje kin. It liket wol as is de opsje ‘ûnderhannelje’ noch by net ien opkaam, wylst dat fansels de iennichste wei nei in oplossing is.   Hawar. Der binne inkel ferliezers, útsein in soadsje opportunisten dy’t it kredo ‘never waste a good crisis’ ek dizze kear wer as liifspreuk brûke. De ynternasjonale wrâld hie yn ien klap syn âlde trouwe mienskiplike fijân werom, ‘de Russen’. Lekker oersichtlik, sy binne it kwea en wy binne goed. Dat op de nasjonale Nederlânske TV iepenlik sein wurdt dat nijs yn de westerske media krekt like goed yn in bepaalde ‘winsklike rjochting’ stjoerd wurdt as dat se dat fan út it Kremlin dogge, it binne mar rimpels yn de fiver fan de oertsjûging dat wy it morele stopjern útfûn ha.   Tink hjir ris oer nei: Se ha der sels in wurktitel foar: I
Meer lezen