Grote Oren in Burum? Kom op nou!!!

De Twadde Keamer is it fermidden dêr't de politike besluten naam wurde. In saak fan gewicht, soenen je tinke.
Mar dê lêste tiid liket it wol op in aksje-reaksje praatgroepke. Sa mediageil as de sykte, alles om harren eigen eintsje fan it gelyk foar safolle mooglik kamera's hearre te litten.

Ik stel my sa foar dat it gemiddelde keamerlid gjin flau idee hat oer wêr't Boerum leit, lit stean dat se witte wat dêr sa al oan grutte earen stiet. Alles hobbelt moai fierder, de earen dogge harren wurk en fan de keamerleden nimme wy mar oan dat sy dat ek dogge. Mar dan komt der in snoadeling dy't Snowden hjit en dy seit (terjochte) dat der in soad is dat wy net witte.

Ha jo der minne nachten fan hân? Tinke jo as jo mei in goed kunde oan it beljen binne: 'Oei, mar neat oer dy hufter fan hjirneist sizze, want de earen fan Boerum hearre dat ek...' Tuurlik net. En as jo it net al te bûnt meitsje, sil der ek neat barre.

Mar ús Twadde Keamer kaam yn it ferhef! Dan krije jo dus ditsoarte dialooch. Litte wy sizze in randstedelijke D66 politikus yn petear mei in Amsterdamsk Partij voor de Dieren keamerlid. Yn random folchoarder.

'Jeetje, die Snowden. Heb je Nieuwsuur gezien?'
'Wanneer?'
'Gister of zo...'
'Nee, toen zat ik in Nieuwspoort shots te downen met die gek van de PVV, haha! Wat was er dan?'
'Ja, iets over oren in Burum. Ik zag schotels, maar ze hadden het over oren...'

(Keamerlid X krijt telefoan en praat fiif minuten.)

'Je hebt een punt, dit was Alex. Wij eisen opheldering over de upgrading van het grondstation in Burum. Ligt dat eigenlijk in Groningen???'
'Geen flauw idee, maar deze zaak moet tot de bodem uitgezocht worden.'
'Dat wordt een diepgravend onderzoek, want die zooi zakt met het jaar dieper weg, haha!'
'O, ik hoor net dat Burum in Friesland ligt. Dat verandert de zaak.'
'Ja, dan wordt het onbegrijpelijk, die domme Friezen hebben Plasterk ook nog zo gek gekregen dat ze dat achterbakse domme taaltje overal mogen gebruiken. De sukkels. Vandaar dat die schotels daar staan. Snapt geen hond waar ze het over hebben.'
'Och, we hebben weer een debatje, zo moet je maar denken. Over downen gesproken, zullen we?'
'Nee, sorry. Ik moet naar Basic Fit. Je weet wel.'

Tegearre yn koar:

'Kom op, kom op, kom op nou!!!'