Stikelstekker

Sa sitte jo op in A-lokaasje yn in djippe diskusje oer it Frysk. Wol as net trochskriuwe. Wêr dogge wy it foar. Wat smyt it op. Sille wy fan no ôf mar plaatsjes sjitte ynstee fan skriuwe. Jo wolle net te raar, mar dat is net hoe’t ik der yn stean. It sil my ferdikke net barre dat it Frysk ferdwynt as ik der noch bin. Wat in oar dêr oer seit sil my in soarch wêze. Hjoed en juster bin ik sa’n 30 boeken lichter wurden. Dat is prima. As ik dit skriuw binne der miskien minsken dy’t in pear noflike oerkes belibje, kâld gleske drinken, peukje oan as se smoke, en moai waar der by. Dêr doch ik it foar. Mei oare wurden, dizze middei yn de Prinsetún is wat my oanbelanget noch mear in oanlieding om troch te gean mei Frysk skriuwe. Wat in oar der ek fan seit. 

Dat wie in dei Stiens. Boeken ferkeapje flak foar de Primera. Moai wurk, mar ik bin no wol hast dôf. De hiele dei boemboemboem. Op it grutte poadium wie fan alles te dwaan, dêrnjonken stie radio Middelsee, de boxen yn de rjochting fan de boekekream. Dat wie no net sa geskikt om mei minsken yn petear te reitsjen oer wat der yn in boek stiet. Ik ha sels noch op de radio west, miljoenen minsken sille dit grif meikrigen ha. Oer de kofje fan de Primera gjin klachten, bêst genôch. In hânfol Fryske skriuwers, en folk by de rûs. Mar je binne wol hast heas foardat je immen safier krije om in boek oan te skaffen. Guon net, dy rinne streekrjocht op de kream ôf en pakke wat se ha wolle. Oaren nimme wat mear tiid. Al mei al mear boeken ferkocht as wannear't ik hjoed net op 'n paad west hie, dus toe dan mar. Moarn nei de UITmarkt yn Ljouwert. It is helder, minsken, de R sit yn de moanne en dus komme jo dat aparte fenomeen oeral tsjin. Fryske skriuwers yn it wyld. Komt dat zien.  

  We binne der wer moai klear mei. 130 op de grutte dyk. Wat sei? 90, 100, 120, 130. En mar remje en oplûke. Wat in freeslik beslút fan it kabinet om dit ta te stean. Doe't it hast oeral 120 wie, riden je gewoan 130 en der wie gjin hoanne dy't der nei kraaide. Of soe it in deal mei it CJIB wêze? Te min sinten? Jo wurde erchtinkend fan ditsoarte flauwekul. Nim no it stikje tusken de ôfslaggen De Gerdyk en Beetstersweach. Wat is der op tsjin as je dêr 130 ride? Ho, betocht in tige mei de saken op de hichte Pencil Pusher, dêr leit in stikje fûgeltsjelân. Ho, de Noarske wrotmûs en de trije ljippen dy't dêr noch sitte moatte harren beautysleep wol ha, dus kin 130 neat wurde. Ho, ik skriuw myn namme yn de skiednisboeken omdat ik ho sein ha. No, lokwinske. It sil dy der nei gean, sei beppe altyd. Wat in bollestront, sis. Dy swarte ree dy't dêr al jierren omskarrelt, jim ha him grif noch nea sjoen, want drok dwaande op de buorden te sjen hokker beheining no wer betoc...