De Noaren komme, mar net nei Thialf

-
Bislett stadion, Oslo
Jan Egil Storholt, Kay Arne Stenshjemmet, Sten Stensen, Amund Sjøbrend. Kenne jim se noch? It gouden tiidrek fan de Noarske 4 S'en? Se wienen de skrik foar alle Nederlânske reedriders. Doe wie reedriden noch in sport dêr't moandeis oer praten waard. De bylden út Oslo dêr't it Bislett stadion ôfladen fol siet. 

 Hiel wat oars as de treasteleaze TV dy't it ôfrûne wykein út Astana te sjen wie. Lokkich koenen je ek nei de Six Nations rugby skeakelje, dêr't wol passy en belibbing fan de tribunes rôle. Ik seach folle leaver nei in wedstriid dêr't de manlju mei muoite ûnder de 40 tellen bleaunen, mar dêr't it HEIJA, HEIJA!!! skandearre waard as nei in superflugge Rus mei in net út te sprekken namme dy't foar gjin publyk in toptiid del set. Boeiend, hear... It sil wol. 

 Mar hoe dan ek, de tiid fan de Noaren brekt wer oan, want se komme dizze kant wer út. Wy binne hjir yn Nederlân sa braaf as it mar kin, wy betelje sleatten belesting oan Brussel, wy binne sa bang foar Teeven en Opstelten dat we algeduerigen 40 ride en al hielendal net ien âlderwetsk op de bek slaan. 

 Resultaat: Wy ha tefolle cellen! Wat in drama. Leechstân yn de kriminele wrâld. Om je slap te laitsjen. Wat in mietjes hjir. 

 Mar ja, wy ha dy VOC mentaliteit no ien kear, dus hebben wij daar het volgende op gevonden. Helje in soadsje kriminele Noaren op en ferhier de finzenissen oan dat folk. 
Yn Thialf, doe't reedriden noch in bûtendoarsport fan bikkels wie, lei wolris in Noar noflik te koesen wylst de 4 S'en de Nederlanners in pak op de broek joegen. De jenever, bearenburg en it bier koste hjir neat yn fergeliking ta Noarwegen, dus wienen dy Noaren altyd fleurich en op 't skik. Ik kin my dan ek net folle foarstelle by kriminele Noaren, mar se sille der grif wêze. 

Ik bin net op de hichte mei de TV situaasje yn de finzenissen, mar ik bin fansels de beroersdste net en wol it personeel wol efkes in tip jaan. 

Noaren fine gjin flikker mear oan reedriden. As je se ekstra straffe wolle, moatte jim dat fertoane. Ha se leaf west en meie se beleane wurde: Set dan de TV op IBA biathlon of NHL hockey, want dêr wurde se fleurich fan. 

Reacties

Een reactie posten

Populaire posts van deze blog

Friese media voeren koerswijziging door

-
Afbeelding
  Friese media voeren koerswijziging door   LEEUWARDEN – Het Friese medialandschap gaat op de schop. In een gezamenlijke verklaring brachten de hoofdredacteuren Maarten Pennewaard van de Leeuwarder Courant en Igrid Spijkers van Omrop Fryslân de plannen naar buiten. Belangrijkste wijziging is dat er meer naar nieuws van buiten de stad Leeuwarden zal worden gekeken. Reden is volgens de hoofdredacteuren de sterk afnemende belangstelling voor de twee grootste Friese mediabedrijven. ‘De urgentie om relevant te blijven is daarbij leidend,’ aldus Spijkers. ‘We blijven onszelf continu evalueren en uit de verzamelde data blijkt dat er ook zaken buiten de stad plaatsvinden die door ons opgepikt moeten worden. Dit was voor ons toch wel een eye-opener,’ bekent Pennewaard. De Leeuwarder Courant en Omrop Fryslân gaven studenten van de Rijksuniversiteit Groningen opdracht om de sterk teruglopende aantallen hits op nieuws van zowel de krant als Omrop te onderzoeken. De conclusies liegen er niet
Meer lezen

Artificial Intelligence brûke as moreel kompas

-
Afbeelding
Justerjûn yn Thialf frege immen my oft ik noch drok oan it skriuwen bin. Ik skodholle en moast tinke oan wat ik dêr oer skreaun ha. Dus eins skriuw ik soms noch wol wat.   De lêste tiid bekrûpt my mear en mear it gefoel dat wy live tsjûge binne fan it begjin fan de omkearde evolúsje. It sil net lang mear duorje, dan binne wy foar in part ôfhinklik fan A.I. omdat it minskdom sels net mear neitinke kin en eins ek net mear de lust hat om dat te dwaan. Reklame op TV ropt: ‘originality is overrated’. Dus orizjinaliteit wurdt oerskatten. Kopiearje is better, sa sizze de hippe marketeers fan Etoro . Mei oare wurden, tinkers, filosofen, frijbûtsers, keunstners en skriuwers dy’t sels mei oplossings komme binne net mear nedich. Nimmen giet der tsjinyn, nimmen klaget ditsoarte bedriuwen oan, alles wurdt mar gewoanwei foar wierheid oannaam. Gjin wûnder dat A.I. net folle tiid nedich ha sil om de toutsjes yn hannen te nimmen. O, A.I. stiet foar Artificial Intelligence, of wol keunstmjittige yntel
Meer lezen

Russen

-
Afbeelding
  Dizze wike wie it twa jier lyn dat de oarloch tusken de twa tige oan elkoar besibbe buorfolken Ruslân en Oekraïne begûn. In oarloch dêr’t je fan alles fan fine kinne en ien dy’t spitich genôch noch wolris jierren duorje kin. It liket wol as is de opsje ‘ûnderhannelje’ noch by net ien opkaam, wylst dat fansels de iennichste wei nei in oplossing is.   Hawar. Der binne inkel ferliezers, útsein in soadsje opportunisten dy’t it kredo ‘never waste a good crisis’ ek dizze kear wer as liifspreuk brûke. De ynternasjonale wrâld hie yn ien klap syn âlde trouwe mienskiplike fijân werom, ‘de Russen’. Lekker oersichtlik, sy binne it kwea en wy binne goed. Dat op de nasjonale Nederlânske TV iepenlik sein wurdt dat nijs yn de westerske media krekt like goed yn in bepaalde ‘winsklike rjochting’ stjoerd wurdt as dat se dat fan út it Kremlin dogge, it binne mar rimpels yn de fiver fan de oertsjûging dat wy it morele stopjern útfûn ha.   Tink hjir ris oer nei: Se ha der sels in wurktitel foar: I
Meer lezen