Overshoot day
De Deistige Standert ,
De minst lêzen kwaliteitskrante fan Fryslân dy’t noch in
ferhaal bringt
Woansdei 21augustus 2013
Overshoot Day is lariekoeke
 |
| Earpels safier't je sjen kinne |
Sa as jim miskien lêzen ha is it hjoed Overshoot Day. De
dei dat neffens it Global Footprint Network de grûnstoffen dy’t de wrâldbefolking
yn ien jier nedich ha, opbrûkt binne. Fansels gie de komplete redaksje fan de
Standert op ’n paad om yn it fersoargingsgebiet fan de krante te hifkjen wat de
mienings oer dizze dei binne.
Sa bedarre jo ferslachjouwer nei in woeste rit op in op
it earste gesicht goed ferkavele boupleats yn it úterste noarden fan it lân. Op
de oanhâlde storein nei soe it in moaie dei wêze kinne.
Earpelboer Keimpe Ploegskjirre, tredde generaasje op it
âlde stee, tikket de jiske fan syn sigaar. ‘Overshoot day? Wat is dat no wer
foar nijerwetsk optinksel?’ Hy stapt troch de doar nei bûten en wiist nei de
landerijen dy’t rûnom de pleats lizze. ‘Dêr de Borgers, dat binne Irene’s en
efter de pleats 15 bunder Reade Star. Ik ha der noch net ien út, hoe kin dat
stedske folk dan sizze dat alles al op is?’
Reacties
Een reactie posten