Stikelstekker op lokaasje

-


Wat is sa'n jier fluch om! Ik woe efkes in linkje opsykje fan myn bloch oer de Pompebledfair fan ferline jier. Pas dan komme jo der efter hoefolle tekst yn 365 dagen op Stikelstekker skreaun is. Dêr hie ik wol in boek mei folskriuwe kinnen...
It jout neat, alle dagen in nije Stikelstekker smyt wol op dat je in mânsk argyf krije, mar wichtiger is lykwols dat de oantallen minsken dy't dêrmei hast alle dagen Frysk lêze dit jier spektakulêr tanaam is. Grapke fansels.
Gjin grap is dat as al dy lêzers en sjoggers no in boek kochten, de Friese Pers Boekerij aardich mear spek op de bonken hân hie. Alle moannen in kear as wat in werprintinge op de merk. In minske moat wat te dreamen hâlde.

Juster hie ik it der mei in foaroansteande Fryske sjoernalist oer, it ûnderwerp dêr't je oer skriuwe makket in soad ferskil. Sport is mei ôfstân de rubryk dêr't je de measte hits mei krije. Absurde stikjes dogge it ek goed, polityk kin noch hinnebruie as je it mei in kwinkslach dogge, taal en literatuer smyt hast gjin lêzers op, dat sprekt elkoar wat tsjin, mar de sifers wize it út. As je mei de stekwurden SC Hearrenfean, Marco van Basten of dy fan de foarsitter wurkje, ik bin syn namme no efkes kwyt, lûkt dat altyd.

It is ek net per definysje sa dat koarte stikjes mear lêzen wurde as wat langere. It ûnderwerp is wichtiger. It stik oer De Timmerman http://stikelstekker.blogspot.nl/2013/03/sc-heerenveen-het-echte-verhaal.html wie neffens my it langste dat ik skreaun ha, mar mei ôfstân it meast lêzen. (en oer praten, as de berjochten doge) Minsken wolle dus wol (Frysk) lêze.

Oer boeken en kranten in oare kear mear, it is no heech tiid foar de reklame!

Moarn is it wer safier. De Pompebledfair 2013. Dêr socht ik om, dit is de link fan 2012. http://stikelstekker.blogspot.nl/2012/06/it-sil-der-no-echt-fan-komme-minsken.html

It waar liket wer tige, dat wol sizze dat it hiele spul smûk binnendoar stiet, yn de Koningshof oan de Prinsenweg 1 op It Feen. Mochten al dy lêzers fan Stikelstekker no tinke: 'Hee, skriuwt dy De Jong ek boeken? Kinne wy wolris in grap fan ha!', dan binne jim moarn fan 10 oant 5 wolkom. Krije jim der fergees in krabbel yn.
http://pompebledfair.jouwweb.nl/



 

Reacties

Een reactie posten

Populaire posts van deze blog

SC Heerenveen, het echte verhaal

-
Afbeelding
  De timmerman Der is al in soad skreaun en praten oer de situaasje by Sportklup Hearrenfean. Foar de goede oarder, ik bin in supporter, al soenen guon dat oan de ein fan dit artikel wolris oars útlizze kinne. Wêr’t it my om giet is dat ik ‘myn’ eigen klup Hearrenfean net werom kin. Stomme graach wol ik wer it gefoel krije dat ik yn in waarm bad stap as ik it Abe Lenstra Stadion yn rin. Dat gefoel dat ik jierren hân ha, de lichte foarm fan spanning, want hast altyd barde der wol wat. Wedstriden om tsien oere jûns, stiif útferkocht. Jo woenen der by wêze, yn de 25 jier dat ik in seizoenskaart ha binne de kearen dat ik net oanwêzich wie by in thúswedstriid op de fingers fan ien hân te tellen. Sûnt earefoarsitter Riemer van der Velde de foarsittershammer demonstratyf oerjoech oan Koos Formsma, feroare de klup. Ik sil hjir net in blomlêzing oer Van der Velde hâlde, dy syn fertsjinsten foar de SC lykje my helder. In hast fallite boel troch goede kontakten en miski...
Meer lezen

Comfortably Numb as libbensdoel troch de hel dy’t ynternet wurden is

-
Afbeelding
  Ha jim it gefoel ek wolris dat it hearlik wêze soe om net mear alles te witten? Om komfortabel ferdôve te wêzen? Om net live tsjûge te wêzen fan de delgong fan Europa, Nederlân en de rest fan de beskaving ûnder it kopke ‘dit is progresje’? Om net josels alle dagen ôf te freegjen oft jo besite oan Auschwitz, Auschwitz-Birkenau, Sachsenhausen en it Holocaust monumint fan Peter Eisenman yn Berlyn allegearre neat te betsjutten hie, omdat deselde sentiminten dy’t ûnder it nasjonaal sosjalisme yn de jierren 30 fan de foarrige iuw troch de stêden propagandearre waarden opnij ûnder harren tinne laach stof weihelle binne? It is om moedeleas fan te wurden, om it mar ris sêft út te drukken.   It docht bliken dat der net folle foar nedich is om yn deselde falkûlen te traapjen. De wrâld is dwaande om de omkearde evolúsje mei folle oertsjûging op gong te helpen, sa liket it. As wie der in revolte fan  de Chicxulub-ynslag yn Mexico. Foar de minsken dy’t net witte wat dat krekt wie: in...
Meer lezen

Links en rjochts

-
  Links en rjochts   Stadichoan begjin ik my mateleas te ergerjen oan it lân dêr’t wy yn wenje. It lân dêr’t wy alle dagen de foardielen fan in folsleine demokrasy fiere meie, yn relative frijheid. Dat relative kom ik daliks op werom. Sûnt de lêste twa ferkiezings wêryn’t de kiezer in helder antwurd jûn hat op wat se feroare ha wolle, yn alle tinkbere demokratyske frijheid fan it stimhokje, lit it lân him fan syn naarste kant sjen. It alâlde adagium fan it links en rjochts tinken en wêzen hat yn jierren net sa skerp west. Teminsten, dat wolle de politike brallers en razende media/kranten ús leauwe litte.   Mar is dat wol sa? Ik bin nammentlik slim yn betizing. Dat wol ik graach mei in oantal foarbylden taljochtsje.   Ik bin pasifist. Anty oarloch. Bin ik dan links of rjochts? Ik wol graach dat wy goede soarch ha en hâlde. Bin ik dan links of rjochts? Ik wol graach dat de âlderein net troch in robot, mar troch in persoan fersoarge wurdt. Bin ik dan l...
Meer lezen