Langst
Bedoarne Hannel
Nei oanlieding fan de ferline jier ferskynde roman Bedoarne Hannel naam beflein
manager Nynke Andringa fan de biblioteek fan It Feen kontakt mei my op. 'Eins wol
ik dêr wol in Fryske jûn omhinne organisearje,' sei se.
Dan begjinne je nei te tinken oer hoe en wat. De tematyk yn it boek is
swier, minskehannel. Mar moat it hjoed-de-dei allegearre mar lang leve de lol?
Wat my oanbelanget net. It mei ek wolris wat minder fleurich. It boek sit oars
genôch humor yn, mar it ûnderwerp is net sa om te laitsjen.
Lokkich wienen der twa minsken daliks ree om op de jûn mei te wurkjen. Nicole
de Boer fan Fier, it opfanghûs en folle mear fan froulju en jonges dy't op ien
as oare wize yn it ferkearde miljeu kaam binne. Dêr flak njonken it plysjeburo
yn Ljouwert dogge se dei oan dei goed wurk. Want der is in soad ellinde dy't jo
en ik net alle dagen sjogge. Twongen prostitúsje op faak al jonge leeftyd, of
op in oare wize misbrûkt, tramtearre of lamslein wurde. De wrâld is net fol mei
blomkes en leave minsken. Spitich, der sit ek in inketswarte kant oan.
Net sa aardich om nei in jûn oer sa'n swier ferhaal? Moah, wy ha gjin
wanklachten krigen.
Kees Arendz fan de resjerzje heakke moai oan by de ferhalen oer fierstente
jonge bern yn it near. De ûndersiken nei soksoarte saken binne faaks dreech en
duorje lang. De metoaden fan de loverboys en poaiers wurde mei de yntree fan it
digitale tiidrek al mar minder te trasearjen. Mar it mei nea in reden wêze om
der net mei troch te gean.
Sa wienen der juster op De Jouwer samar twa oeren om. Jan, Libbe, Jari en
Karen, de haadpersonaazjes yn it boek, hymje my yn de nekke. Se sille geduld ha
moatte, ik ha te min oeren yn in dei. Spitich?
Ach, wat meitsje ik my drok. Lokkich waakst it gers wer. Ha je wat te
dwaan. Ferset de sinnen en jout tiid te tinken. Noch mear klisjees?
It siedde gerssied sil alle swarte en iepenbrutsen plakken wer grien
kleurje.
Reacties
Een reactie posten