Klaas Jansma, SC Hearrenfean, Caparis, Robert Veenstra is oeral.

Opmerklik, sa meie jo it wol neame. Yn it Nederlânsk ha se der in moaie útdrukking foar: voortschrijdend inzicht.

Klaas Jansma, al desennia lang wurdearre as ferslachjouwer by it skûtsjesilen, as skriuwer, besprekker en wit ik wat er mear by de ein hat, makket in nuvere draai. As de Sneker Pan sa boppe in oar draaide, soe er raze: ‘Dit kin net, Douwe Visser! Hy draait him sa boppe de kop, oei, oei, hoe komt dit... bats!!! Se sitte boppe-op elkoar! En o, o, o, it helmhout is der finaal efterwei fearn!!!’

Ja, sûnder helmhout kinne jo net stjoere. Dat soe Klaas witte moatte.

Op 18 febrewaris 2013 skriuwt Jansma op syn side oer Robert Veenstra, de direkteur fan SC Hearrenfean: Waarom doet Robert Veenstra dit? Dat vroeg ik zondag na de kerkdienst aan een paar interessante mensen. Robert heb ik bij FRIGEM leren waarderen als een leuke, intelligente kerel.

Hy beslút it stikje mei:  ‘Omdat ik de meeste actoren in het conflict ken, snap ik er steeds minder van. Zullen we de bui over laten drijven en weer als één man achter het gesaneerde Heerenveen gaan staan? Dat kan helpen.’

Mei oare wurden, net mear eamelje en op de man spylje, gewoan wer mei syn allen HUP roppe, sa as it moat. Yn datselde stikje: Mij viel op dat er in mijn ‘omsittend laach’ wel sympathie voor de Heerenveen-voorzitter bestond, hoewel hij een boekhouder is en moet leren communiceren. Ze zeiden dat de Omrop en de LC eenzijdige journalistiek bedrijven. Bij Riemer en Foppe plaatsten ze kritische kanttekeningen.

De opposysje yn Smellingerlân hie it hast klearspile om Robert Veenstra en syn trawanten yn de Ried fan Kommissarissen fan Caparis de dyk út te stjoeren, mar der wie ien foar stimmend riedslid tefolle oanwêzich. Ien tefolle dy’t gjin kramp hie, ûngesteld wie of (en dat leit mear foar de hân) op fakânsje wie omdat it hjir mar net maitiid wurde wol. Het zij zo.

14-14 wie de útslach. No komme de Christen Unie riedsleden en dy sille yn dizzen fansels nea earne tsjinstimme, dus mei Veenstra sitten bliuwe.

Eelke Lok en oaren skreaunen der al oer, it is beskamsum hoe’t de lju boppe-op de aperots elkoar sûnder mei de eagen te knipperjen de baantsjes taskowe. It liket wol oft dy minsken yn in folslein oare wrâld libje as ‘gewoane’ minsken. Macht, macht, hjir en dêr ris in kear útglide, mar dat makket neat. As je der ien kear sitte, liket it klear.

Mar pas op, it kin ek ferhipte glêd wurde boppe-op dy rots. As de Caparis wat te rynsk mei griene sjippe it Abe Lenstra stadion poetst hat. Dan kinne jo wolris in slipperke meitsje as it wurd belangen mongen wurdt mei ferstringelje. En dan rêden wurde troch de CU yn de ried fan Smellingerlân? Is dat wat om grutsk op te wêzen? As der 14 tsjin binne? De CU hat 4 sitten. Dat lizze jo dan út as in romme mearderheid as jo in moderne manager binne, dy’t tsjin de wil fan de ûndernimmingsried in direkteur beneamd hat, in direkteur dy’t dêrnei royaal en kreatyf mienskipsjild ta him naam hat, eat dêr’t de hear Veenstra ek wolris fan beskuldige is. Nuver dat sa’n man as Veenstra no krekt wer oan it roer stiet by in Caparis klup dy’t folslein op mienskipsjild draait. 

14 tsjin en 18 foar. Ik soe net wer oer strjitte doarre.

Goed, ik hear wolris wat. Soms. En ik hein wolris wat op dat oer de digitale sneldyk fljocht. Sa wie der in skoftsje lyn nochal wat rabberij oer in karriêre switch fan de foarsitter fan It Feen. Alle negative stikken yn lânlike kranten en de show rûnom Riemer van der Velde, Albert van Keimpema syn stikjeskriuwerij en Johan Derksen soe der foar soargje kinnen ha dat de takomst fan de hear Veenstra der wat oars út seach. Eat mei fytsen, ik sil der net tefolle oer sizze, foardat je it witte is der wer sprake fan belangenverstrengeling, no?

De sjarme offinsiven mei paginagrutte advertinsjes yn de LC, de Corner dêr’t dizze kear allinnich mar halleluja Tomke eftich yn skreaun wurdt (sorry Auck), de tsjinfallende ferkeap fan seizoenskaarten, in grut oantal sponsors dat op oare foarwearden (minder ynkomsten foar de klup) bliuwe wol of ôfheakket, it sûgjende effekt fan Cambuur, ja, der is nochal wat loos.

As in peal boppe wetter stiet dat Klaas Jansma op syn minst in fikse ommeswaai makke hat. Fan de ‘Leuke, intelligente kerel’, komt er no mei dit as it oer de direkteur fan de Caparis en foarsitter Robert Veenstra fan de RfK fan dy klup giet: ‘De Heerenveen-voorzitter zit in hetzelfde circuit. Want het ene miljoen wast het andere schoon.’

En: ‘De meesten lopen nooit tegen de lamp, want hun toezichthouders behoren tot hetzelfde kringetje. Als gieren storten ze zich hongerig op elke pot die met collectief geld is gevuld. ...Als je goed ziet, herken je hun blote knieën, want geknield hebben deze profiteurs nooit. En schamen doen ze zich evenmin.’

Was getekend, K. Jansma. Hulde, Klaas! Beter ten halve gekeerd...