Reinbôgen okee, mar bliuw fan ús flagge ôf.

-

 

Reinbôge

 

In slinger fan reinbôgen tusken de tuorren. Alle bankjes en kûpstuoltsjes yn reinbôge-kleuren opfervje. De tuorren sels ek. Gjin inkel probleem. Om my fervje we it gers fan it Sjûkelân ek yn reinbôge-kleuren. De ballen: ek daliks in reinbôge yn printsje. Der is gjin inkel ekskús om net sjen te litten dat wy minsken net wolkom hjitte, hoe’t se ek binne, fan wa’t se ek hâlde. Gjin inkel ekskús. De wanten meie ek in moaie reinbôge op nifele wurde, alle keatsers yn in shirt mei in reinbôge. It span Fryske hynders mei in dek op yn reinbôge-kleuren en de koets, plus de koetsier, alles mei utering jaan oan it feit dat we hjir in iepen Mienskip binne. Lit dêr gjin inkel misferstân oer bestean. Hooplik ha ik no Ate mei deselde achternamme as ik en Abe de Vries, syn maat, oertsjûge fan it feit dat ik harren stribjen nei lykweardichheid yn hast alles stypje. Werklik hast yn alles. En de reden ha ik in skoft lyn alris opskreaun.

 

Ken uw geschiedenis: It is tiid foar in homopartoer op de keatsfjilden. Dat wie 27-07-2013 de deistelling yn de Ljouwerter krante. Ate mei deselde achternamme as ik wie de skriuwer.

 

Ik ha dêr doe in kollum oer skreaun. Oer dat ik in ferskriklik leave nicht kwytrekke bin mei in wrede histoarje as immen dy’t net wêze mocht wa’t se wie. Kom dus net oan myn gefoel foar en oer minsken mei in oare geaardheid, want dat soe freeslik mispleatst wêze. Ik siet yn de tsjerkeried fan de PKN gemeente yn Boarnburgum doe’t we dêr it homo-houlik mei akklamaasje oannaam ha, dus gjin inkel misferstân dêroer.   

 

Oer mispleatst sprutsen. Want dat is dêr’t ik it even oer ha wol. Want ien ding bin ik it totaal mei ûniens. Je meie oan in soad dingen komme, mar net oan ús flagge. Dat is in foarm fan dis-respekt. Ik kin my net yntinke dat hokker lân dan ek syn as har flagge sa misbrûke soe as dat wy hjir op dit stuit yn Fryslân mei de moaiste flagge fan de wrâld dogge.

 


Kleurje om my hiel Fryslân yn reinbôge-kleuren, mar dy flagge moatte jo ôfbliuwe. Ate mei deselde achternamme as ik en Abe, syn maat, sille no alle boppesteande wol ferjitte en allinnich oer de flagge begjinne te rachen, want grutsk wêze op de Skeane Banen is sa’n dinkje, dêr krije se jokte fan. Ik krij jokte fan it skeinen fan ús flagge. Neffens my fine de beide hearen dat hast alles mei yn dit lân, benijd oft se my dit dan gunne.    

Reacties

  1. Ate28 juli 2021 om 17:11

    Ik lês dit stik no pas (taksy it stik fan Abe, dy oare Abe, op Facebook) En - miskyn falt dy dat ta - ik bin der ek net kapot fan, dy kombinaasjeflagge. Ik fyn de Fryske flagge moai, en de reibogeflagge yn al syn ienfâld, skitterend. Mar in pear fragen. Do seist dat je fan dy Fryske flagge ôf bliuwe moatte. Wêrom moat dat Ferdinand? En fan wa? Is de flagge hillich foar dy? En moat SC Heerenveen him dan ek ynleverje?

    BeantwoordenVerwijderen

Een reactie posten

Populaire posts van deze blog

Friese media voeren koerswijziging door

-
Afbeelding
  Friese media voeren koerswijziging door   LEEUWARDEN – Het Friese medialandschap gaat op de schop. In een gezamenlijke verklaring brachten de hoofdredacteuren Maarten Pennewaard van de Leeuwarder Courant en Igrid Spijkers van Omrop Fryslân de plannen naar buiten. Belangrijkste wijziging is dat er meer naar nieuws van buiten de stad Leeuwarden zal worden gekeken. Reden is volgens de hoofdredacteuren de sterk afnemende belangstelling voor de twee grootste Friese mediabedrijven. ‘De urgentie om relevant te blijven is daarbij leidend,’ aldus Spijkers. ‘We blijven onszelf continu evalueren en uit de verzamelde data blijkt dat er ook zaken buiten de stad plaatsvinden die door ons opgepikt moeten worden. Dit was voor ons toch wel een eye-opener,’ bekent Pennewaard. De Leeuwarder Courant en Omrop Fryslân gaven studenten van de Rijksuniversiteit Groningen opdracht om de sterk teruglopende aantallen hits op nieuws van zowel de krant als Omrop te onderzoeken. De conclusies liegen er niet
Meer lezen

Artificial Intelligence brûke as moreel kompas

-
Afbeelding
Justerjûn yn Thialf frege immen my oft ik noch drok oan it skriuwen bin. Ik skodholle en moast tinke oan wat ik dêr oer skreaun ha. Dus eins skriuw ik soms noch wol wat.   De lêste tiid bekrûpt my mear en mear it gefoel dat wy live tsjûge binne fan it begjin fan de omkearde evolúsje. It sil net lang mear duorje, dan binne wy foar in part ôfhinklik fan A.I. omdat it minskdom sels net mear neitinke kin en eins ek net mear de lust hat om dat te dwaan. Reklame op TV ropt: ‘originality is overrated’. Dus orizjinaliteit wurdt oerskatten. Kopiearje is better, sa sizze de hippe marketeers fan Etoro . Mei oare wurden, tinkers, filosofen, frijbûtsers, keunstners en skriuwers dy’t sels mei oplossings komme binne net mear nedich. Nimmen giet der tsjinyn, nimmen klaget ditsoarte bedriuwen oan, alles wurdt mar gewoanwei foar wierheid oannaam. Gjin wûnder dat A.I. net folle tiid nedich ha sil om de toutsjes yn hannen te nimmen. O, A.I. stiet foar Artificial Intelligence, of wol keunstmjittige yntel
Meer lezen

Russen

-
Afbeelding
  Dizze wike wie it twa jier lyn dat de oarloch tusken de twa tige oan elkoar besibbe buorfolken Ruslân en Oekraïne begûn. In oarloch dêr’t je fan alles fan fine kinne en ien dy’t spitich genôch noch wolris jierren duorje kin. It liket wol as is de opsje ‘ûnderhannelje’ noch by net ien opkaam, wylst dat fansels de iennichste wei nei in oplossing is.   Hawar. Der binne inkel ferliezers, útsein in soadsje opportunisten dy’t it kredo ‘never waste a good crisis’ ek dizze kear wer as liifspreuk brûke. De ynternasjonale wrâld hie yn ien klap syn âlde trouwe mienskiplike fijân werom, ‘de Russen’. Lekker oersichtlik, sy binne it kwea en wy binne goed. Dat op de nasjonale Nederlânske TV iepenlik sein wurdt dat nijs yn de westerske media krekt like goed yn in bepaalde ‘winsklike rjochting’ stjoerd wurdt as dat se dat fan út it Kremlin dogge, it binne mar rimpels yn de fiver fan de oertsjûging dat wy it morele stopjern útfûn ha.   Tink hjir ris oer nei: Se ha der sels in wurktitel foar: I
Meer lezen