Stikelstekker

  Dochs wol wer in opfallend berjocht yn 'e krante fan juster. Ja, yn de LC. Samar in lyts stikje oer KH 2018. Dat is in fout links feestje, foar dyselden dy't it net witte. Jo kinne it googleje. Yn Brabân wolle se ek haadstêd fan Europa wurde, krekt as Fryslân. En soks mei wat kostje, dêr yn it suden fan it lân. Hjir waarden we op 'e fingers tikke, omdat allinnich Ljouwert haadstêd wurde mocht. En dus luts de rest fan de grutte plakken fluch de hannen derôf, en die de hân op 'e knip. No lies ik dat yn Brabân fiif grutte plakken meielkoar besykje om as winner út de bus te kommen. Dat skynt dan wol te meien, of se ha dêr wat mear lagen fel foar de kop. Ik wit it net. Eindhoven soe it dan wurde moatte. Mar mei stipe fan in oantal oare grutte plakken, dy't mei namme en tanamme neamd wurde yn dizze link: http://www.2018brabant.eu/  Dat hie hjir dus ek kinnen, tink ik dan. LEEUWARDEN (Ljouwert) kulturiele haadstêd 2018, mei stipe fan de oare âlve (10) stêden. Soks...

2 Sergei Novokov sjocht mismoedich om him hinne. Hy kochelt en flybket op de grûn. Swarte flibe. Alle dagen as er boppe de grûn komt wer swarte flibe. Hy ferflokt it. It is in graad as tweintich ûnder nul, foar novimber kin dat hinnebruie. Alles dampt en knistert yn de kjeld. Sergei lûkt de kraach sa heech as er kin, ferklomje leit altyd op ’e loer. Yn de fierte leit Norilsk, Sergei sjocht de ljochten baarnen. Wer in dei gjin sinne sjoen en de winter is amper begûn. As it jannewaris is, sil it bytiden mear as fjirtich graden frieze. Guon dy’t foar it wurk ôfhinklik binne fan in auto, sille dy dei en nacht stasjonêr rinne litte, oars wol er net starte. De loft is berûn, it koe wolris op snie útdraaie. De grouwe reekplommen dy’t troch de talleaze skoarstiennen útkoarre wurde, slaan daliks del en soargje foar in gielgrize tekken fan nearzichheid oer de bebouwing. ‘Halleluja foar Norilsk Nikkel,’ mompelet Sergei. It is dat it knap betellet, oars gie er nea wer yn de Nikkel-me...