Stikelstekker

Nu, nu, de rapen zijn goed gaar alhier, wat is het geval, wij mochten ons een (1) maand of wat geleden verblijden met twee jonge katten, en omdat Igor, onze rode bor, met de noorderzon verdwenen is, wij zijn van denken dat hij wel eens iemand van een (1) wildbeheerseen(1)heid of een(1) wiel van een (1) jarretank tegengekomen wezen kunnen heeft, echter dit is niet meer na te gaan, dus heeft het geen doel om daar nog langer over te redetwisten, Igor is er niet meer en daar moeten wij ons bij neerleggen, alhoewel het ons niet koud laat, maar dat geheel terzijde, nu waren wij van doel en laat deze twee kabouterkatten maar opwouteren door de vrijwat ruipstekerige moeder, die naar wij meenden niet genoeg bij te zetten heeft om deze taak te volbrengen, maar ze kwijt haar aardig van haar taak, dat moet worden gezegd, echter is het drietal nu op een (1) leeftijd dat ze het buithuis verlaten hebben en wij zijn van denken dat dit tweeledige gevolgen heeft, want wat is het geval? De beide ruipstek...

Foar my hinget in post it bryfke. Op dat bryfke steane in oantal datums. 16-1, 20-3, 22-5, 24-7, 25-9 en 29-11. Dêrnjonken hinget noch in post it bryfke. 25-5, 8-6, 6-7, 3-8, 31-8, 14-9, 12-10. Foar my lizze in ferskaat oan post it bryfkes. Guon mei in rige plaknammen, oaren mei nûmers dy't jim neat sizze sille, mar my meastal wol, as it treft. Soms ek folslein net mear. Dan leit der in kassabon. DANK U EN TOT ZIENS. Ruilen binnen 8 dagen met bon.  In hânskreaune resinje fan Bedoarne hannel, dy leit der ek. En in glossy oer in automerk op Dútske grûnslach. Ha ik fergees krigen. In pear plektrums, ien giel, de oare wyt. En fansels myn Samsung. Altyd oan de lader as it kin. Bakje tee, ek geregeld in gast op myn buro. Sa kin ik wol trochgean. In skerm, in toetseboerd, in pear boksen dêr't op dit stuit it lûd fan in iishockey wedstriid tusken Hamburg en Keulen út klinkt. Foar de skerpe, opmerksume sjogger en lêzer is helder dat der in oantal saken fan belang lykje, kwa d...

Sa. Gjin tiid hân foar neipetearen. Wol dwaande west mei kommend wykein, dan sil der op De Gordyk net ien krat mei Fryske boeken mear stean. Stifting Tsjil stiet foar in pear tige drokke dagen. Wêr kinne jo dit wykein Tsjille meiwurkers ferwachtsje? Skrik net: Yn Frjentsjer, Eksmoarre, Allingawier, Wergea, Drachten, Koartehimmen en Boarnburgum. Ja, der sille hiel wat kilometers makke wurde moatte om alle plakken dêr't sutele wurdt, fan boeken te foarsjen. Mar de plenning is trochnaam, as der neat nuvers op ús paad komt, sil Stifting Tsjil der wol mei rêde, sa as de frijwilligers dat ôfrûne sneon yn Feanwâlden ek dien ha. En dan is it te hoopjen dat der moandei hast lege kratten yn de loads fan Bornmeer steane. Want dêr dogge wy it foar, boeken ferkeapje.  Befoarderje fan de ferkeap fan Fryske boeken en boeken oer Fryslân, en dêr net oer eamelje, mar it gewoan dwaan. Tsjil, no?  

Goed. Ik woe hjoed efkes melde dat der hjir net ien syn of har jierdei hat. Ek is it sa dat ik hjoed it hiem net meand ha. Boppedat moat ik tajaan dat ik net foar in skilderij stien ha om der nei te sjen. Ek is der hjoed gjin bernefoto yn in tobbe fan my online setten. Ik hie hjoed ek neat te melden oer in te koarte dielnimmerslist. Wy binne net nei Syrië ferhuze. Sneu, mar wy ha de katten hjoed ek net op de foto setten. Ek ha ik gjin hûn kocht, bin ik ek net fan doel. Flyboarde ha ik hjoed net oan tiid hân, earlik sein wit ik net wat it is. Ik ha ek net in ein om west mei Runkeeper om jim dêrnei te fertellen dat ik in ein om west ha mei Runkeeper, chech it dus not out, sis mar. Sudoku doch ik net oan. Hjoed net, moarn ek net. Candycrush? Eh, wat is dat? Hofkesjonge hie ik gjin tiid foar. Ik ha ek neat uploaden. Nee, ik ha nimmen betanke foar in artikel yn de krante. Hjoed net dien. Gjin djipsinnich stik online setten oer de miening fan it libben, sorry. Ek gjin gedich...

De twa doarpen dy't dit jier de spits ôfbieten mei de sutelaksje fan Stifting Tsjil, te witten Warten en Menaam, ha in treflik resultaat behelle. Wy geane fleurichop troch nei kommend wykein, as der yn Kimswert en Feanwâlden mei Fryske boeken by de doarren del gien wurde sil. De wienen dizze wike in oantal minsken dy't fregen wêr't harren bestelling bleau, dy komt der dus oan, mar wy hienen wat beheinings oplein krigen dus koe der net earder levere wurde, dat sadwaande. Nije wike ha jim de bestellings yn hûs, as de post syn wurk goed docht. Sa rint ien en oar dus aardich, mar skrik o skrik, nije wike freed is it 19-9-2014. Dan sil yn de popup store oan de Markt 2 yn Drachten, tsjinoer kafee Marktzicht, ien en oar barre. Kafee Marktzicht, sûnt jierren útfalsbasis en dus net wei te tinken út de histoarje fan it suteljen mei Fryske boeken. De tydlike winkel, dêr't jo oerdei it nijste Fryske proaza en dichtwurk keapje en besjen kinne, sil omtovere wurde ta in smûk ...

De earste kratten steane klear Sa stadichoan komt 6 septimber tichter en tichterby. De dei dat de proef om wer mei boeken te suteljen in ferfolch krije sil. Wat wie it in prachtich barren, ferline jier yn Bitgum en de beide buordoarpen. In smite skriuwers dy't mei harren negoasje by de doarren del gienen. Prima sfear en goede ferkeapsifers. Nei lang rekkenjen en tellen bliek dat der foar mear as 4500 euro oan de man/frou brocht wie. Yn trije oerkes. In prachtich resultaat. De ôfrûne winter, maitiid en simmer hoopje ik dat myn kollega's drok yn it spier west ha mei it skriuwen fan nije boeken en gedichten. Spitich, ik hie dy tiid net. Ja, der is al in nij boek útkaam. Klear. As in wike 7 dagen hat, hat der ek hast 7 dagen yn de wike oerlis west tusken de bestjoersleden fan Stifting Tsjil. En dat alle wiken tusken de aksje fan ferline jier en dy dy't der no oan sit te kommen. Der sille grif dagen west ha dat wy net oer Tsjil gear west ha, mar dy dagen kinne jo op i...